Serie A : Juventus vs Empoli




Tuizarh sungah Itlay serie A round 29nak an lek dingih hmaihruaitu Juvenus khal,tuizan myanmar 11:30pm ah Empoli an rak mikhual ding.

Juventus hrang hmaitlan C.Ronaldo cu kawngnaa ruangah a tel thei lo dingih ziangtikah a ra kirsal ding tikhal an fiang hrih lo.Costa le Cuadrado khal an tel thei hrih lo dingih dungkham Bonucci cu colh caan pek a si ding.

Tuah Juventus hi hmat 75 thawn table hmaihruaitu an si ih Empoli cu hmat 25 thawn table 17nak ah an um.Juventus le Empoli hi tui season ah veikhat an rak do aw zo ih C.Ronaldo sit goal mi thawn 1-2 in Juventus an cak.Tuizan ah C.Ronaldo a tel lo ding nan,anmai innpi a si ding ruangah an huphurh lemlo ding.

Serie A hi puai 28 lek zo a si bangin puai 10 lawng lek ding a um thlangih Juventus hrang champion si dingin puai 5 lawng nehnak an co a tul thlang.Cutirual in an hnuai ciah ih Napoli in nehnak an co thluh lo asile ,cu aiih tuan in Serie A ah an champion ding.

Cangtheimi minung hremdan (4-3-3 ) : Szczesny ,De Sciglio ,Rugani ,Chiellini ,Sandro ,Can ,Pjanic ,Matuidi ,Dybala ,Bernardeschi le Mandzukic pawl an luh hmaisa zum a si.