SAWMNAK IH FEH LO RUANGAH KAPTHAT

0
134

Pakistan ram ih hlasak thiam le Film Star hminthang pakhat a si mi Sambul Khan cu Puainak hmun pakhat ah mipi awi ih hlasak ding an sawmnak a el ruangah meithal ih kahthat a si thu The Independent thuthang cun an tarlang.

Hi mikaptu 3 cun Nomnak puai an tuah mi ih hlasak ih mipi awi ding an sawm mi cu Khan cun rem tilo ih a el ruangah an kahthatnak a si.Meithal keng pathum cu Pakistan ram ni tlaknak saklam Madan khawpi ih Khan umnak Inn cu bauh in Inn sungah an lut in Khan cu kaiih hlasakter thotho dingin an tum.Khan cun a inn sungih hmuanhawi bauh ih luttu cu theitawk suah ih a khamve ruangah meithal in vei tamtak an kahnak a si.

Meithal kengtu 3 lakih pahnih cu an tlanhlo ih Police in an hawl rero lai.Hi Kum 25 mi Khan cu TV lam ih hlasak theu a si ih theitu tamzet nei in milar ngaingai a si.Nikum Lahu khawpi khal ah hivek in Lam thiam le thlasak thiam fala pakhat cu an rak thatdah.Pakistan le India ahcun Meithal thawn kahnak hi theih ding a umve ringring.