S.KOREA OLYMPICS AH IVANKA TRUMP TEL DING

0
227

American President Donald Trump ih fanu Ivanka Trump cu S.Korea ram pyeongchang ih tuah mi Winter Olympics kharnak khawmnak ah American ram aiawh in a telpi ding a si tiah theih a si.Hi Winter olympics netnak puai cu February ni 25 ah tuah a si ding.President Trump cun a fanu Ivanka Trump cu Rampi aiawh ih feh dingah a thlah mi a si.Hi Winter Olympic puai onnak cu tlawngkai ni 5 mani ah tuah a si ih American VP Mike Pence in a telpi a si.

Cutin Trump cun a fanu cu kharnak puai ih telpi dingin a thlabet mi kha a si.Business lam ih hminthang Ivanka Trump cun a pai hnatuan tampi a bawm theu ti si.Hivek dinhmun a si ruangah Ivanka Trump cu politics lam ah luh vivo a tum a si ko ding tiah tampi cun an zum.Hmanseh tuitum S.Korea a feh ding cu can reilote lawng cam ih kirsal ding a si.

2014 kum President Obama sanlai ah Russia ih neih bangaw(Same sex) khamnak cu tihrim in Sochi Olympics puai ah Skate hminthang Brian Boitano le Billie Kean king cu an rak thlah.Ivanka cu a pasal ruangah tuvek ih a telnak khal a si men thei.Trump tei sungkua in ziangvek tumtahnak an nei timi cu thlir ding um thil a si tiah thuthang cun an tarlang.