S.KOREA MIPI KIM DUHLONAK LANGTER

0
109

Theihcio bangin N.Korea hotu Kim Jong Un cun S.Korea ah Pyeongchang Olympics puai cu phuahlam ah hmangin a farnu cu amai aiawh in a fehter ih S.Korea President Moon jae-in thawn thuhla phunkim reltlangnak an nei.Hivek ih N.Korea thawn thuhla an president ih a relpi cu lungawi loin mipi a thawng siar cun S.Korea Blue House ihsin peng 2 hrawng hlatnak ah lungawilonak langter in lamzin parah an feh.Police thawn khal nasatak ih an nuaiawk thu theih a si.

Hi mipi thawngtel pawl cun N.Korea hotu Kim Jong Un ih zuk cu an ke in an pal ciamco.President Moon cun Kim Jong Un ih farnu Kim Yo Jong cu Blue House ah suncaw thawte thawn a rak mikhual.Kim Yo Jong cu a U ih bulpak Jet Vanzam thawn February ni 9 niah S.Korea a ra thleng.

Kim Yo Jong le N.Korea hotu tampi cun february ni 9 ni ih Pyeongchang Olympics onnak puai cu an ra hmanpi.Kim Yo Jong hi N.Korea ih Policy thehlarnak ah hotu dinhmun tuantu a si.Kim Yo Jong hi 1950-1953 hnu N.Korea ihsin S.Korea tlawngtu Kim Laluk sung ihsin a hmaisabik tlawngtu a si.