S.AFRICA PRESIDENT ZUMA HNATUAN IN SUAK

0
126

S.Africa ram President Zuma cun Africa National Conngress ih thu an peknak vekin a sinnak ihsin a ban thu February ni 14 ni ah thu a phuang a si.Africa National Congress Party cu 1994 kum ihsin Africa ram ih Cozah nak latu Party an si.

“Keimah ruangah zohman an sungral ding a si lo.Keimai ruangah Party khal a kekkuai ding a si lo.Cuiruangah Rampi President sinak ihsin bang dingih thu ka thencat awknak a si” tiah kum 75 ih upa Zuma cun TV ihsin a sim.ANC Party cun Parliament ah an President an duh nawn lo thu Bill tuah dingih an hro laiah Zuma cun suahmai a tum lo thu a simlai ah tuvek ih thil a thlennak a si.

Tuah cun V-President cun 2019 hrilawknak tuah tiang President a tuan ding a si.Cozah upa sinak in milian ih cangtu V-President Rama Fusa cun december thla ah ANC Party hotu dinhmun a co ngah hnuah Zuma suak ding rori in thu a tawlrel.”Parliament ah in duhlonak thuhla Bill an tuah ding ka tih lo.ANC Party le kan mipi hrangah theitawk in hna ka tuan ding.Kan Party dan le dun vekin ka um vivo ko ding”tiah Zuma cun rampi thucahnak a nei.Kum 10 lenglo President a tuannak ah Zuma cu ei ruknak thu in a hminsia zettu a si.