RUL TAMTAK POLICE IN KAI

0
135

China ram ih kuat ding mi muipui le Congor 100 lenglo cu February ni 6 niah Kyause khawpi ih an kaih thu theih a si.Muipui le congor si lo rul dang khal 200 lenglo rak phurcemtu cu kaih a si ih Pukma 2 thawn tuah thubuai tuahsak a si thu Mandalay Police cun an sim.

Himi hi Mawtaw PK pawl in lamzin an cek laiah Licence nei lo mawtaw pakhat ah parah Plastic bawm 6 le Plastic kho 16 sungih thun mi Muipui 99,Congor 42,Linmui 90 cu hmuh a si ih Licence nei lo mawtaw thawn rul rak phurtu hi Muse khua mi Sai Sailin timi pa a si ih tuah Kyause Myoma Police cun thubuai an tuahsak ti a si.

Tuah an kaih mi rul pawl cu Tawkhawng pawl kut sungah aptheh a sizo ih cutin Mandalay ih Yatanabone ramsa hmuan ah ret a si ding tiah theih a si.Mandalay khawkiang Patheingyi peng ih Swesayan ih peng 16 Check Gate khalah December ni 5 ah Linmui rul 800 lenglo kaihngah a si.