ROHINGYA HOTU MIZORAM VAPHAI AH KAI

0
139

Mani February ni 7 tlawngkai ni 3 ni ah Rakhine ram ih Rohingya(Bangali) pawl sumpai tampi la ih Mizoram ih kuat luttu Johnny tiih hmin phuah awtu Laskar Hussein cu Mizoram Vaphai khaw ramah Vaphai tlangval pawl cun an kai tiah theih a si.Hi Laskar husein cu Rakhine ram ihsin Bangali pawl Mizoram ih thunluhnak ah hotu lubik a si.

Kandung kar ah Melbuk ram ah a mi hruaimi pawl thawn Police cun hmu in an kulh thehzo nan a mi hruai mi 2 lawng kaingah in hipa cu a tlansuak thei.Midang pa 4 khal Aizawl lamih a rak kuatzo thu theih a si.Cutin Police pawl cun a dung ihsin an thlunthup ih ni 7 ni ah Police cun hipa hi Vaphai ram rori ih a um thu an theih ruangah Vaphai khawtlang cu sawm in kai ding in an pok.

Vaphai mi Sumo mawngtu mi 2 cun thuhla an theih hnuah Saikhumphai lamah mi thlah ding an nei ih khawpi pawl thawn hipa hawl cu an man lo.Hmansehla Saikhumphai lam an fehnak ah lamzin sir in hipa cu a ra suak ih thuhla an theihcia ruangah an Sumo ih tove dingin an sawm.Cule ani khal ziang thei loin Sumo ahcun a lutve.Tlangval driver cun saikhumphai an thlen veten hipa cu Sumo ihsin dirsuak in an kaibet ih hrithawn an tem hnuah Police cu an kaihngahzo thu an theihter.Tuah cun Police pawl in an kut ah an lazo.

Source Tuipuiral group YMA
Saihmingliana Sailo