Real Madrid Maw Juventus Tha Deuh Timi Relfiangtu De Jong




Ajax laitlan De Jong cun champions league quarter final hrang thaizing ih an do dingmi Juvenus maw an rak dawisuak zomi Real Madrid thasawn deuh timi relfiangnak a nei ih tui dinhmun ahcun Juventus an thasawn tiin a khar.Culawng siloin Juventus an do caan ah C.Ronaldo tel rori sehla C.Ronaldo thawn Juventus neh a duh thu khal a rel cih.

Ajax hi Champions league sungsuak dinhmun ah Real Madrid rak dawisuaktu an si ih quarter final ah Italy club tha Juventus thawn an do aw ding.An puai hmaisa sawn hrang thazing Myanmar 1:30 am ah an do aw dingih Juventus innpi ah an leksal leh ding.

De Jong cun ,’Tui dinhmun ahcun Real Madrid aiin Juventus ka ret sangsawn.Cuti ka ti ruangah in hmusual hlah uhla,Real madrid hi tui season ahcun season dang bang loin an cang tha lo zet.

“Cutilai in Juventus cu tui season champions league laksawng hrang beisei mi team pakhat an si ih ziangtin kan do ding timi theih ka cak zet thlang.Culawng siloin Juventus vek team tha do ding cu kan hrang a ropi tuk.Asinan, kan lehdan keelte ih kan lek thei a si ahcun Juventus hrang nasa zetih harsatnak pe thei kan si ve.

“C.Ronaldo dam fel sehla lek rori seh timi cu ka duhmi a si.Player thazet le ropi zet a si ih amah thawn Juventus neh cu a ropi cuang ding.Player thazet do ding le neh ding cu ka duhmi a si,” a ti.