RAMSUNG AH BANGALI MI 7 KAI

0
126

Irrawady ramthen nyaungdone peng Bo Myat Tun Lilawnpi ih Toll Gate ah february ni 8 ni zanlam nazi 6 hrawngah Pathein ihsin Yangon lam pan ih mawn mi Mawtaw sungah Kawl tong kamkhat te hman thiam lo Bangali mi 7 cu kaih an si.Anmah ih simawk dan ahcun Kyautdaw peng ihsin ra mi an si thu an phuang.Ann khua an thlen ihsin Puaisa Mg Hin thawn an tong aw ih Yangon thlen tiang mi pakhat MMK ting 16 ih hruai aw dingin lungkimnak an nei ih cuti Yangon lampan ih ra an si.

Hi Bangali pawl cu Ann ihsin ke in an ra ih ni 15 an feh hnuah Ngaphe zinpeng ih Padan khua an thleng.Padan ihsin ke in an fehsal ih Kyankhin peng Okpone khua tiang an feh hnuah Pathein tiang a remrem mawtaw in an feh.Pathein ihsin Car pakhat an sang ih Yangon lam pan ih an tlan laiah Bo Myat Tun Lilawn ih Toll Gate ah kaihngah an si.Anmah hi kum 18 kim lo mi 4 le kum 18 tlun mi 3 an si.Anmah hruaitu Mg Hin cu Mindone peng ih Wagone khua mi si in Pathein ihsin Mawtaw thawn thlahtu cu Aung Naing Oo kum(49) a si.

Nyaunggone peng sungah Bangali an kaih hi tui thla sungah vei 2nak a si zo.Mipi le Driver khal in hivek zum um lo milai kan hmuh ahcun thu neitu pawl sim ding a si tiah MP U Kyaw San cun a sim.February ni 3 ni khalah Kungka pakhat sungah Bangali mipa 12 le Nunau 9 an zate kom 21 cu kaihngah an si zo.Hi Bangali mi 7 Yangon tiang hruaitu pa le an Mawtaw sannak pa khal Police cun thubuai rittak orhter in Lock up ah an hreng a si tiah theih a si.