Puai 8 Lek Thei Lo Dingih Hremmi Diego Costa




Spain Laliga club Atletico Madrid hmaitlan Costa cu mawi lo zeih referee s hro ruangah Laliga zuamawknak ah puai 8 sung lek thei lo dingih hrem a si.

Laliga round 31nak hrang hmaihruaitu Barcelona cun table 2nak ih um Atletico Madrid an rak mikhual ih 2-0 thawn an rak neh. Caan hrek hmaisa sawn minute 28nak ah Costa cu Barca laitlan Busquets in a titlu ,referee in fawl lak tlak in a hmu lo ih fawl a la lo.Cutikah Costa a thinheng sosang ih referee a va pan,”na nu’i s.. , zo’i fapa sawn na si? mit na nei lo maw? a lo hringtu na nu cu zangfah a um nasa ” tiin referee a va hro ciamco.Cuveten referee in red card thawn Costa a dawisuak hngal.

Referee in fawl an lak lo caan ah dokalh theih an sinan, suahnak nu rori hmuhsuam ih referee hro ciamco cu ziangvek Bawhlung daan khalih duh lomi a si.Cuvek in Costa khal Referee ih nu a hmuhsuam ruangah puai 8 sung rori lek thei dingin an hrem.

Atletico Madrid lole Costa in Spain Bawhlung thuneitu pawl hnenah zangfah an dil ih hremnak an zoh fel sal a si hman ah Costa ih hremnak puai 8 cu an thumsak sal zum a si lo.

Tuah Laliga puai 7 lek ding a umlai ih puai 8 hremmi Costa cu tui season ah Atletico Madrid hrang a lek thei nawn lo ding a si.