Premier League Ah Man City Maw Liverpool Champion Ding ?




Premier league round 32 tiang lek theh zo a si ih Arsenal le Southampton lawngin puai 31 lawng an lek lai.Culo team dang pawl cu puai 32 ciar an lek kim zo.Tuah puai 6 ciar lawng lek ding an nei thlang nan,champion ding a fiang hrih lo ih Man City le Liverpool cu champion hrang zuam awtu bik an si.Man City in hmat 80 thawn hmai an hruai ih Liverpool in hmat 79 thawn an thlun.Team dang hrang Champion beisei ding a um nawn lo tlukah a cang,Ziangahtile Team dang champion ding cun an puai taanglai mi ah Man City le Liverpool an sun thluh a tul tinak a si.

Champion cuh aw ding team 2 ih dolai dingmi puai pawl thlir in Champion laksawng hrang an dinhmun mallai cu rel a olsam deuh ding a bang.

Man City dolai dingmi pawl ,
Crystal palace vs Man City
Man City vs Tottenham
Man United vs Man City
Burnley vs Man City
Man City vs Leicester City
Brighton vs Man City pawl an si.

Liverpool ih dolai dingmi pawl ,
Southampton vs Liverpool
Liverpool vs Chelsea
Cardiff vs Liverpool
Liverpool vs Huddersfield
Newcastle vs Liverpool
Liverpool vs Wolves pawl an si.

An puai tanglai mi pawl thlir tikah Man City aiin Liverpool puai pawl a olsam sawn in a lang.Ziangahtile Liverpool cun big team pakhat Chelsea lawng do ding an nei ih Man City cun Tottenham le Man United do ding an nei lai.Culawng a si hrih lo Man City in home puai vei 2 lawng lek ding an neih lai ah Liverpool in home puai vei 3 rori lek ding an nei.Home le away ih thupitzia cu Bawhlung ngainatu mipi pawl ih theih zetmi a si.

An hmin cazin zoh ahcun team thazet veve an si ih champion phu veve an si.Asinan,Liverpool aiin Man City in thelhbawh cazin an nei thasawn timi cu kan theihhngilh lo a tha.Puai netabik round 38nak tiang zuam aw thei dinhmun ah an umlai ih champion ding rel a har.tAn hmat thlau awk dan a tam lo bangin lan aw thei ringring an silai ih puai netabik tiang an dinhmun a danglam thei lai.Tui dinhmun ahcun Man City in aiin Liverpool in champion hmel an naihsawn in a lang. Nangteh ziangtin na ruat?