POST AH PAWPI FATE KUAT MI KAI

0
121

Milai pawl in Post hmang in thil kan kuat aw rero ih a thahnem zet nan tuitum ih an kuat mi thil cun mipi a mangbangter nasa.Kan dung February ni 7 niah Mexico Police pawl cun Post ih an kuat mi tape thawn an erhthat mi Bawm pakhat sungih Pawpi fate an hmuh mi cu FB lam ah na tar mi cun a hmutu pawl a lauter nasa.

Police pawl ih hman mi uifim pawl cun hi Bawm hi lanmai thei loin an um ruangah a sung an zoh ih tuvek ih an hmuh mi a si.Hi Pawpi fate cu Mexico ram ni tlaknak lam Jalisco ihsin Mexico ram laifang ih hmun pakhat Address thawn an kuat mi a si ih hi thla 2 lawng a si mi Pawpi fate cu Bawm pawl sungah daite ih a rak um cu hmuh a si.

Hi Pawpi fate kuattu cun Pawpi thaw thawt theinak dingah Bawm cu a vit ong nan rawl cu a retsak lo.An ceknak vek a sile Pawpi hi a taksa sungah ti a maltuk zo ti lo cu a dinhmun a thazet.Tuah Pawpi fate cu Ramsa kiltu pawl in thaten an fingkhawi ih a kuattu khal tuah zinzoi rero lai a si tiah thuthang cun an tarlang.
SM