Pogba Thuhla Ah Man United Coach Solskjaer A Puakkuai




Real Madrid le Pogba thuhla um ringring ah Man United coach Solskjaer a sup aw thei nawn lo ih Pogba thuhla cu hitin relfiangnak a nei.

Solskjaer cun ,”Pogba hi biak nuam zet mi pakhat a si ih thusuhmi pawl khal tha zetih mi let niahno mentu a si.Zidane hi France ram ahcun cuncuang hleice mi pakhat a si ih Coach thazet pakhat khal a si.Culawng siloin bawlung sit thiam zet khal a si ih amah thawn khal in kan rak do aw zo.

“Pogba cun ka thusuhmi pawl cu tha zetin i let niahno men ih Man United ah a nuam aw tuk.Curuangah Man United kekar vivo tumnak ah mi thupi zet a si vivo ding. Man United ka remthat tumdan khalah mi thupi zet a si ding ka rak ti zo bangin kan hrang mi thupi zet a si ringring lai a si,” a ti.

Man United player dam lo thu ah Solskjaer cun ,” Martial le Lukaku an dam tha zo ih Man United hrang an lek thei thlang ding.Lindelof khal a damtha thlangih hman theih a si thlang ding.Cutilai in baily,Valencia ,Darmian le Sancez pawl cu an lek thei hrih lo ding a si,” a ti.