Pogba Kan Rak Lei Ngam Lo – Barcelona President Bartomeu




Barcelona president Bartomeu cun Pogba cu Juventus a umlai ihsin an rak duh zo thu le lei an rak tum zo thu a rel ih a man khungtuk ruangah an rak lei ngam lo thu cu tuah a relfiang.

Pogba hi Man United ih zirsuak a sinan,lehnak hmun a co thei lo ruangah a lak rori in Juventus ah a rak lut.Juventus ah lehnak hmun pek a si ih a lek tha ciamco.2014 World cup khalah tleirawl lek thabik ah hril a rak si ih club tam zetin lei an rak duh.Club tamzet lakah Man United in sumpai tamzet thawn an player hlun cu an hnenih lek dingin an lei kirsal.

Barcelona president Bartomeu cun ,” 2015 kum thaal caan ah Pogba hi Juventus hrang lek rero lai a si ih kan duh zet thu Juventus kan simthei.Ni nikhat khat ah Pogba nan zuar siang asile in sim tengteng uh kan ti.A hnu ah Pogba an zuar thu in simthei nan,midang in an ngamsang zet thu khal in sim cih.Cutikah midang in an ngamsang zet thawn an aiih kan ngamsan lo thu kan simthei ih kan thu kan rak sutsal.

“Cutin,Pogba cu Man United ah a lut ih player thazet a si bangin Man United cu team thazet ah a tuah.Tui dinhmun ah lei kan tumlai maw timi thu ahcun midang player rel ka duh lo ih kan player thuhla an rel khal ka duh ve lo a si,” a ti.