Pogba Hrang Real Madrid An Ngamsang Deuhdeuh




Real Madrid le Man United laitlan Pogba thuhla khal reh lampang aiin a sosang deuhdeuh sawn ih a hnok sinsin.Tui season ih cangse zet Real Madrid cu Coach Zidane thawn remthat awk ciamco an tumih thaal lei awk caan ah player thatha lei an tum. An lei duhmi pawl khal tarlang rero zo a si ih President Perez duhmi aiin Coach Zidane ih duhmi pawl cu lei ngah an tum hleice mi a si.

Zidane ih duhmi lakah a rampi Man United laitlan Pogba a tel ih hlawh tamzet tlunah man tamzet thawn lei an tum. Pogba khal in Real Madrid vek club tha cu zokhal ih leh duhnak hmun a si tiin a rak rel ve zo.

Culawng siloin Pogba cun Real Madrid player lakah hlawh tambik a si ding le an hnenih luh pawi tinak a nei lo tikhal in thawmvang a tamzet. Tuah Pogba in Man United hrang kar khat ah £290,000 a hlawh ih a tlunah Ssanchez cu Man United player lakih hlawh tambik a si.

Pogba cun Sanchez hlawhzat hlawh a beisei ve thlangih contract thar ngan a duh.Asinan,Man United thuneitu pawl cun 2021 lawngih contract cem lai ding Pogba cu contract thar thuhla ah an kawm hrih lo.

Cutilai in Spain club tha Real Madrid cun Pogba cu hlawh tamzet pek an huam tlunah £125m lei an ngam ti a si.