Player Zuar Man Ih €300m Hmuh Tum Barcelona




Spain tha Barcelona cu player lei lawngah tan lak an tum lo ih a zuarlam khal in sumpai tamzet lak luh an tum. Barcelona cun €86m man laitlan De Jong cu Ajax ihsin an rak lei fel zo ih thaal caan ah an hnenih lek dingin an hruaifel ding.De Jong an lei thluh hnu khal um men an tum lo ih dungkham thazet le hmaitlan thazet pakhat veve lei an tum.

Dungkham hrang Ajax Captain De Ligt rori an beisei ih an lei thei khal zum zet a si.Hmaitlan hrang Frankfurt hmaitlan Jovic an duh zetih Real Madrid ,Bayern Munich le Chelsea pawl in an cuhpi ve.

An player lei ding pahnih hrang sumpai mallai an hman a tulsal ding ruangah Barcelona cun player zuar lam thawn sumpai lak luh an tum ih player pathum rori zuar pawi an ti lo tiin ESPN in a tarlang.

Thaal lei awk caan ih Barcelona zuar tum mi pawl cu dungkham Umtiti,Laitlan Coutinho le Rakitic pawl an si.Dungkham Umtiti cu De Ligt leinak dingah zuar rori an tum ih laitlan Rakitic cu De Jong thawn an lehnak hmun a bang awk ruangah man tamzet thawn cun zuar thei dinhmun ah an um.Coutinho khal a phutawk dawrtu an nei asile zuar pawi an ti lo ih PSG,Man United le Chelsea pawl in an duh a si.