Player Tha Cu Ka Kaihruai Caak Tuk Lawlaw Siko – Zidane




Zidane an hruaikil sal hnu ah Real Madrid president Perez cun Zidane ruangah Mbappe an lei thei a beisei thu a rak rel zo ih Neymar a duh thu khal a rel.Perez hi Neymar uar zettu le duh tuktu a si ih Santos le Barcelona a umlai khalah lei a rak tum rero zo.PSG a luh hnu khalah vei tamzet Neymar a duh thu a relsuak.

Cuti, Perez in Neymar le Mbappe thuhla a rel bangin Real Madrid coach Zidane khal Neymar le Mbappe thuhla suh a si ih hitin a sawn.

Zidane cun ,”Player tha zetzet cu kaihruai ka duhtuk ih kairhuai khal ka caak tuk lawlaw male,Asinan tuhi an thuhla rel caan a si hrih loin ka thei.Ziangahtile,Real Madrid player si lo,club dangih player thuhla rel ciamco ka duh lo.Tui season umlai mi hrang nasa zetin ka zuam rero ih thildang rel ka man hrih lo. Neymar le Mbappe hi player thatuk rori an si ih an thatzia khal kan thei cio.Asinan,team dang player thuhla rel cia ka tum lo a si,” a ti.

Zidane cun Real Madrid a kir hnu ih a puai hmaisabiknak dingin tuizan ah Celta Vido a do ding a si.