PITAR KUM 80 MI RORI SUALPI THEI CU MAKVE

0
469

Pegu ramthen Pauhkhawng peng Sankalay khua ih um mi Pitar kum 80 cu tui December thla ni 3 niah a umnak inn rori ah sualpi a si thu theih a si.Hi Pitar cu dam lo a si ruangah rawl pe dingin Daw Khinma Cho cun rawl pe dingin a inn ah a va feh.Khinma Cho cu Pitar inn a thlen in a sangka a king rero nan a on dah lo ruangah mangbang in sangka cu a tha neih suah in a tul ih sangka a on in inn sungah cun mangbangza thil cu a hmu.

Inn sung cu a vong lut ih kum 41 mi Kala @ Myint Sawng cu lawngfangkheh in a vong hmu ih ka pasal nu hi ziangtin ha na rak ti tiah a sut.Cule tappi ih thingtan la in Myint Sawng cu a thawi ih Myint Sawng cu thlaphang in a tlan.Khinma Cho cun a Ni Pi Ung Kyi cu thuhla umdan a suh tikah zuri in innsung a ra lut ih sex a duh lo cing ih a hmanpi thu cu a sim.

Pi Ung Kyi fapa nupi Daw Khinma Cho cu December ni 5 niah Police Station ah feh in a Ninu Myint Sawng ih a sualpi thu report pe in thubuai a va tuah.Police khal in tuah Myint Sawng cu kai dingin an hawl rero lai thu thuthang cun an tarlang.