PIANAWI THAWN TRUMP HMEL AN TUAH

0
110

Ukrain ram ih kutthiam neitu pahnih cun pianawi pawl hmangin american President Trump ih hmel an tuah mi cu New York khawpi ah mipi hmuhnak an tuah.Himi hi January ni 31 ni ih Ukrain zuksuai thiam 2 a si mi Daria Marchenko le Daneil Degrin cun american pianawi zatel hmangin President zuk an suai mi a si.

Hi zuk suaitu Daria Marchenko cun,”President Trump cu paisa in kan tuah mi a si.Hi pianawi ah milai hmel tampi hmuh ding a sum.President rak tuanzo tampi hmel a si.Himi hi anmai zah umnak ruangah paisa parih an hmel a cuannak a si.Hivek cu rampi pakhat ih hminsinnak khal a si.Sim duh mi cu paisa hi milai ih neih mi man parah a thum aw”tiah a sim.

Daneil khal cun,”Himi hi sullam thuktuk nei mi a si.Ziangtluk lian khal awla man nei loah na cang thei.Ziangtluk sumpai nei khal awla na umdan a dik lo ahcun mi ropi na si thei lo ding.Leitlun milian bik sikhal awla umdan na thiam locun a lak si ko.Cuiruangah a tebik pianawi thawn kan tuahnak a si.Pianawi in a sinak a langter”tiah a simve.Hi mipi an hmuhnak room cu”Ral ih mithmai”tiah hmin an pe.Russia pawl ih cerek kahnak dawng hlun 5000 ih tuah mi khal hmuhnak an tuah thotho.