PHUN 5 KAILAI TLAWNG HNATUAN IN SUALPI

0
112

Tulai hi Kawlram tlawng le hmuntin ah nauhak tete sualpinak theih ding a um mi in thinlung a thamzet.Tuah khal kum 11 le thla 8 lawng a silai mi phun 5 tlawngta pakhat cu kum 51 ih upa tlawng hnatuan tu pakhat cun a sualpi ti a si.

Magwe Ramthen Minhla peng Sataung khua ah phun 5 kai rero lai tlawngta nute cu 31/1/2018 ni sun tlawng tum can ah hi nute cu inn ah rawl a ei theh in tlawngah tuanten rualpi thlen hlan ah a ra thleng ti si.Hiti a thlennak khal tuanten a rualpi thawn lek a duh ruangah a si.

An tlawng khan sung a thlen ah an tlawng ih General Worker kum 51 ih upa U Aungsan cu a hmu.U Aungsan cun hi nute cu a samvar(Tuakpar) a bawtter.Cutin Phunhrek khan lawnglak men ah a hruai ih sangka pi cu khar in a sualpi ti si.A sualpi theh in paisa 1000 a pe ih zohman sim lo dingin le a sim cun a thah ding thu thawn a hro ih sangka a onsak sal.

Hi nute cun zohman sim ngamlo te cun an khan ah a ra ih cutin ca cu a zirsal.Hi nute ih hruk mi bawngbite le a hni cu thi in a khat.Tlawngtum in inn ah a tlung ih a Nu hnenah tap in a sim.Nute nu cun an khawlal le tlawng sayagyi le pengpi Police Station tiangah heknak a tuah ih cutin a zanzan in a sualpitu cu an kaicih.Tuah cun Tayet thawnginn pi ah ret a sizo tiah theih a si.