PHONE TIHNUNG LEI LO DING MI

0
149

Tulai leitlun thiamnak a sang sinsin ruangah Phone handset kan hman mi khal hi kan hrangah tihnung tampi a rak um ding a bang.Tukhal American Congress cun China Company a simi Huawei Technologies Co.Ltd le ZTE Corp ih tuah mi biakawk theinak thilri pohpoh cu American ih Cozah hnatuantu pohpoh cun lei lo dingin le a san khal sang lo ih phihpitnak ding dan pakhat tuah dingin Republican Senate pahnih cun thu an bur tiah thuthang ah hmuh a si.

Huawei cun an thilri tuahmi hmangin American thu neitu ppawl hnen ihsin thuthup an ru thei a si tiah Arkansas State ih Senator Tom Cotton cun a sim.American mithiam tampi ih tuah mi thilri hman cawk lo a um ruangah China in kan thuhla olaite an theih theilonak dingin an thilri leisak lo kha a thabik tiah a sim.Florida ih senator Marco Rubio le Tom Cotton cun himi hi dan rori ah tuah in phihpit dingin thu an bur mi a si.