Penalty Ah Man Unted In Nehnak An Co Ding – Ferdinand




Man United dungkham hlun Ferdinand cun tuizan ih Barcelona le Man United puai ah a team hlun Man United in nehnak an co a zum sawn thu a relsuak sal ih penalty ah Man United in nehnak an co ding a ti.

Man United le Barcelona hi Oldford ah veikhat an rak do aw zo ih 0-1 in mikhual Barcelona an cak.Tuitum ah ah 0-1 thawn Man United in nehnak an co ve asile penalty sit ding an si.

Ferdinand cun ,”Kan puai hmaisa sawn ah Man United in khawlzawn ih sitmi veikhat hman an nei thei lo ih an sit goal thei lo phah.Tui tum ahcun an sit goal tengteng a tul ih nehnak an co ka zumzet.

“Champions league vek zuamawknak picang ih nehnak kan co duh a si ahcun kan sit goal tengteng a tul.Tui tum hrang Solskjaer in a dungkham pawl tha zetih a remhnget thei ka beisei ih hmaisa tum bangin a tisual sal ka zum nawn lo.Barcelona hi Bawhlung cotam zetih lek an si bangin kan hnaihnok thei asile kan hrang caantha a tam dingih kan dinhmun a tha ding.

“Ka thinlung cun Man United a ti ringring nan,Messi parah tampi a thum aw in ka ruat.Player thazet a si ih puai pakhat ti danglam theitu a si.Ziang a si khalle 0-1 in Man United an cak ka zum ih penalty ah nehnak an co ding a si,” a ti.