Pele Thluh Hnuah Brazil Hrang Zo A Thabik Timi Thusuhnak Lettu Neymar




Brazil captain Neymar cu Pele thluh hnu ah Brazil hrang zo a thabik timi thusuh a si ih thabik hril ding a theih lo thu le amah khal thabik a si cuang lo thu hitin a rel.

Neymar cun ,” Pele thluh hnu ah Brazil hrang zo a thabik timi cu hril harsa zet a si ih kan zaten kan tha thluh ko.Kan lehdan a bang aw lo cio ih midang khal in hminsin an rak tuah rero zo.Brazil thuanthu ah hmin tamzet ngankhum mi an um ih an sunglawi ringring ding.

“Ronaldo ,Romario,Ronaldinho ,Gaucho ,Kaka ,Zico le Ricaldo pawl cu Brazil hrang player thazet hlir an si ih keikhal nasa zetin kekar vivo ka tum ding.Ram hrang tha zetzet in an rak lek ih pakhat vial hril ding cu a ol lo lawlaw.

“Carlos khal hmaitlan asi lo nan,thuanthu maksak neitu a si ih player ropi zet pakhat a si ve.Curuangah mi pakhat vial rori hril ding cu a ol lo lawlaw.

“An zaten ka upat theh hai ih ka zohthim mi hlir khal an si.Ram hrang nasa zetin tan an rak suah zo ih thuanthu phunphun rak ngan zotu an si.ka hrang zohthim tlakzet hlir an si ih an zaten an tha thluh a si,” a ti.