Pele Hnakin Messi A Thasawn – Fuste




Barcelona Captain hlun Fuste cun tuih Barcelona captain Leo Messi cu hlansan ih Bawhlung lal an timi Pele hnakin a thiamsawn tuk ih Bawhlung thuanthu ah player thabik miangmo a si tiin a rel.

Fuste hi Pele sanlai ih Bawhlung rak lek ve a si ih 1960 kum ihsin 1972 tiang Barcelona hrang a rak lek.Barcelona thawn Copa del rey ah a champion ih Spain thawn khal in Euro cup ah a champion.

Fuste cun ,”Tuisun nitiang Messi hnakih player tha hi Bawhlung leitlun ah ka hmu lo lawlaw.Hlan ahcun Pele le Di Stefano cu Bawhlung thuanthu ah thilthar ngantu tiin ka rak ruat dah nan,tuahcun an si nawn lo ih an tlunah Messi a um zo.Tuih Barcelona player pawl khal Barca lehdan thawn rem aw zetzet lawng an si ih a hleice in minung 11 lut hmaisa pawl hi an tha hleice.Thelhbawh ih to theu pawl cu an zuam sinsin a tul ding a si,” a ti.