Pathian Hmaiah Khukbil In Lungawithu Ka Sim Hmaisa- Aung La




Zumtu kan nun ih thupi zet pakhat cu Pathian hnenih lungawi thusiam thiam ringring a si.Ziangvek dinhmun ih kan um khalah dil le dil lawnglawng siloin amai hnenih lungawithu kan sim thiam ding cu In sersiartu le In rundamtu Pathian ih duhmi a si.1Thesalon 5:18 khalah ,”Ziangvek dinhmun khalah lungawithu sim uh.Cucu,Khrih Jesuh ah Pathian ih a lo duhsakmi a si,” a ti.

Cuvek in Myanmar in World chapion kan neihmi Aung La Nsang khal a nun ih thil pakhat khat a tuahsuak ding tinten khukbik ih lungawithu simnak a neih hmaisa ringring thu a tarlang.Myanmar in World champion kan neihmi Aung La tantu ah A nung Pathian be lo tampi an um nan,Aung La cun A nung Pathian hmin cu ningzahnak nei loin a mipi pawl theih dingin a salsuak ringring.

Aung La cun ,” Ka nunih thil pakhat khat ka tuahsuak ding tikah khuk ka bik ih lungawithu ka sim hmaisa.”A thimmi horkuam sung zawh hman ningla,Maw Bawipa ka tih lo ding:Ziangahtile nang cu ka hnenah na um,” tiin a tarlang.

Mahte um cing khalih khuk na bik paih lo laiah World Champion Aung La cu mipi hmaisa khukbik in lungawithu simnak a nei theu.Khuk na bil tikah”Mawi Bawipa nang tel lo cun zianghman ka si lo,mi santlai lo ,ti thei zianghman nei lo ka si,” timi a langter. It phah le to huahhi phah men ih thla na cam mi cu nangmah ah Pathian tihzah taktaknak a mal tinak a si.