PA(Mushroom)IN PAWHTE CANCER KHAM THEI




A thianghlim mi Pa(Mushroom)eitam hi Pawhte Cancer ngah theinak tampi a tlakniamter tiah zinzoinak thar pakhat cun an tarlang.Cui zinzoinak cun nitin Pa einak ihsin Pawhte Cancer suaktertu bolte te cu a hloter a si tiah an tarlang.

Pa a ro mi einak cun Pawhte Cancer suak ding kham theinak 50% lawng a neih laiah pa hring thianghlim te einak cun 64% rori ih a khamthei thu China zingzoitu pawl cun an hmusuak a si.Cui an hmuhsuak mi cu an zohtha rero sal ih hrekkhat Pa eitamtu Nunau ih pawhte Cancer cang ding khamtheinak cu 90% rori ih a sanbet thu an tarlangbet.

Thuthang ca tampi ahcun Pa in Pawhte cancer a kham thei timi cu zumnak men a si tiah an simve thung.Hmanseh silam thiamnak vek a sile Pa sungih um mi dat cun bolte te pawl hloter theinak a nei ih taksa cahnak a pe ti a si.A dang hmuhsuaknak khal in Pa cu Pawhte Cancer khamnak si thawn a bang aw ih Cancer cangtertu Oestrogen Hormone suak ding a khampit a si tiah an sim.

SCT