PAKISTAN IN VALENTINE’S DAY HMAN SIANG LO

0
118

Kumtin February ni 14 ih tuahtheu mi Valentine’s Day cu Pakistan Lairelnak cun tuah lo dingin a kum 2nak a kham lala.Hiti an siansak lonak cu Valentine’s Day timi cu Islam biaknak thawn a dodalawk ruangah a si tiah an sim.Fala/tlangval tuah an siansak lo men lawng si loin Media pawl khal in Valentine’s Day thuhla hrimhrim ngan lo dingih kham a si.

Hini thawn pehpar mi thilri khal zohman zuar lo dingin Court cun thusuah a tuah a si.Court ih tuah mi thusuah cu zokhal thluncio dingin Pakistan Electronics Media pawl kilkhawitu PEMRA cun TV Chanel pawl le Radio lamtiang a simtheh.Valentine’s Day timi cu Mualphonak,Lernak le sex lam zalennak a suahter ruangah 2017 February ni 13 ihsin Pakistan Lairelnak innpi cun a phih thoknak a si.

Hi theu thennak vekin Islamabad khawpi ih mipi tlanlennak hmun pawl le Cozah zung pawl ih Valentine’s Day tuah hi kham rori a si.Hivek Court thusuak duh lotu pawl cun Rampi in mipi hrang thiltha tuah ding tampi hman tuah loin hivek men ih a buai cu an soisel zet vethung.