PA LE FA RORI NEI AW

0
134

Pa le fa rori cu Nupa vekin an um ih fate pakhat an neih hnuah an kai.Himi America ram N.Carolina ih Pa pakhat cun a sungsuak fanu rori cu nupi vekin a hmangih nikum ah fate pakhat an nei ih tuah cun Police cun an kaizo tiah theih a si.

Hi kum(42) ih upa Steven cun kum(20) mi a fanu kathy thawn nupa bangin an umtlang ih fa pakhat an nei.Neihawknak khal a thupten an tuah.Hi thu an theih in Police cun pa le fa rori nei aw cu sual tumtuk a si tiah an kaih mi a si.Hivek sualnak cu American dan in kum 10 tiang thawngtlak theih a si.

Cuti an pafa nupa bang ih an umtlang hnu nikum September thla ah fate pakhat an nei.Hite pafa cu thawngtla loin zalen an duh ahcun mi pakhat US $ ting 10 veve(1million) an kuan a tul ding ih tuah Lairelnak ah an pafa(Nupa) in thu suhnak an tuah rero lai.A pa cun a nupi a then hlan ihsin a fanu thawn nupa sinak an rak hmangtlang theu ih cutin nau khal a pai thu a Nu cun Police hnenah a sim.