OLYMPICS PUAI AH TRUMP LE KIM JONG UN UMTLANG

0
254

Tui S.Korea tuah mi winter Olympics puai onnak ah Donald Trump le Kim Jong Un thawn bangaw zet mi pahnih cu hmunkhat ah fehtlang le umtlang in mipi an zoh duhzet ti si.Hitei pahnih cun Media ih hmuh ding duh in rualrem takin Media pawl umkhawmnak lam ah an fehtlang.Cuihnu ah Police pawl cun an pahnih in an hruai hlo.

“Media pawl umnak ah a thupte luhve kan tum si nan,Cuti kan luhngah lawngah mipi pawl kut vai in kan cibai ngah ding nan”tiah Kim Jong Un hmel hrutu Howard cun a sim.”Puai tawlreltu pawl cun in dawi lo.Media pawl an zate ih in thlun ruangah Police in in hruai ih tokham umnak lam ah kan va to” tim Kim lem cun a sim.

“An umdan zoh ah anmah ngai tla an bang.Kanmah tla tha in pe rero.Cutin hotu ngaingai vek ih an um cun mipi an mangbang in an buai”tiah a mi pakhat cun a sim.Puai tawlreltu pawl cun,”An hnipuan le an umdan ah buai ding a um lo.Hmanseh Media tonak ah tiket menmen kengin an rak lut sisi.Cuiruangah anmai tiket leinak tokham ah kan toter”tiah an sim.

 

Trump le Kim hmel vekih tuahaw tu pahnih cun an tum mi sak le thlang Korea lektu pawl kut vai ih cibai rori kha an tum mi a si nan tiah theih a si.Hitei pahnih cun Ameriacan VP Mike Pence le Kim Jong Un farnu Kim Yo Jong te tonak VIP lam khal an thleng thei lo ti a si.Hmanseh mipi cun an pahnih umtlang cu lungawipi in an au nasa ti a si.”Mipi lam cu an sa hehe rori a si.Police pawl rori hman in Selfies pi ding in dil rero”tiah Kim Jong Un hmelpu Howard cun a sim.