OLAITEN SENTLUNG PA TUAHDAN

0
189

Tulai leitlun thiamnak hi a sang sinsin ih cui mifim le mithiam pawl ih hmuhsuah thar mi cu kanni lailam pawl khalin hman thiam kan tumve pei uh.Cumi cu sentlung PA tuahdan a si.Hi kan tarlang ding mi hi a olsamzet ih sumpai piakhat hman cem a tullo.A thupibik cu a tidan theih ding hi a si.Hivek ih kan tuah mi Pa cu ei ding khalah thlaphan ding zianghman a um lo ruangah tuahcio ding khalin kan sawm aw duh a si.

Hi Pa cinnak ding ah thil tulmi pathum lawng a tel.1nak cu sunhrul a umlai mi sentlungkal sungih sentlung tical 20 hrawng.2nak ah suan mi buh tical 15 hrawng.3nakah tidai Liter 2(Drinking water dawng 2 kha si mai).A hmaisabik ah Buh le sentlung cu Cawhtawlh sungah rawi aw theh ding in hmuai aw.Cutheh in tidai kha thehphah hmuaiphah in liter 2 cemtiang tuah aw.Cutheh in na hmuaimi Cawhtawlh kha ni ngahlonak daituk lo satuk lonak hmunah ni 7 sung hrawng na ret ding.

Cuti ni 7 sung na ret laiah Cawhtawlh kha cangter le tham hnuaihni vek kha tuahhlah.Ni 7 hnuah cun Cawhtawlh sungah a dum tete,Var tete phul kha na hmu ding.Cumi cu sentlung pa ih ci tete cu an si.Cui Pa ci tete cu hap awla lei tha le fangko rop umnak parah rualtak in theh aw.cutin ni 7/8 hrawng cun a thawzet le a hmuizet mi Sentlung Pa cu lak theih in an um mai ding.Tampi na cin le tampi na nei ding.Hnatuan nei lo ah buai loin rak tuahve awla sumpai tampi sentlung Pa man in rak lalut aw tiah duhsaknak tumpi kan lo hlan a si.

Thuhla theibet duh cun Inbox lamah suthliah awk ding a si.