Odoi Duhtu An Pung Deuhdeuh ,Chelsea In An Thlem Rero Ve




Chelsea tleirawl thazet Odoi cu Chelsea hrang lehnak hmun hnget a nei hrih lo nan,a lek sun ih a lek that theituk ruangah amah duhtu an pung deuhdeuh.Bayern Munich in thizik rori in an rak duh zo ih thlatang lei awk caan ah nasa zetin lei an rak tum.Player bik Odoi khal in Bayern ih luh pawi a rak ti lo nan,club in an zuar sian lo tikah an thu a tluang lo.

Asinan,Bayern an beidong tum men lo ih thaal lei awk caan ah Odoi cu thlahlawh tamzet thawn dawr sal an tum.Cutilai in Odoi duhtu ah Barcelona le Man United an lang ve cu Chelsea an buai sinsin.

Odoi hi tleirawl thazet a sinan,Chelsea coach Sarri in a hmang duh lo ih thelhbawh lawngah a ret theu.Cuti cingin England ram hrang lek dingih kawh a si ih thuanthu ah nauhak bik England ram hrang lek thei hminsin a tuah.Hminsin a tuah men lawng siloin England hrang a lek tha zetih Barcelona le Man United in an duhzet phah.

Hivek a si tikah Chelsea an thinphang zet thlangih Odoi an hloh lo dingin tan an suah ve.Chelsea cun kar khat ah £100,000 hlawh dingin Odoi an be rero lai ih thlemthluk an tum zet a si.