NUPA KOP 164 NEIHAWKNAK PUAI

0
136

Philipine ram Subit khawpi ah Cozah ih sumpai tumsaknak in February ni 13 ah Nupa kop 164 cun hmunkhat te ih thukam laktlangnak le neihawknak cu sunglawi takih an hman thu theih a si.Himi hi khawsung mi harsa tete pawl hrangah Cozah cun liam le kuan hmuahhmuah tum ih an tuahsak mi mopuai a si.

“Kumtin khua le ram mi hrangah hmunkhat te ih neihawknak hi kan tuahsak theu.Neihawknak hrang liamkuan a tamtuk tiih buaitu pawl hrangah thathnemnak tampi a pe.Himi hi kanmai khua ih Cozah cun mipi hnenih bomnak a peksal mi a si tiah Subit khawpi Major cun a sim.Kum 57 mi Banatida le a pasal Joe cun an rak umtlangnak kum 35 a kimzo ih fa pathum an neih hnuah tuvek ih dan thawn neihawknak an tuah mi a si.

Tuah cun sumpai liamkuan tullo in neihawk a ngah ih nupa ngaingai sinnak pek an si zo.”Kumkhua ih neihawk kan tum.Tuvek ih neihawknak puai hi ka thihtiang ka hngilh dah lo ding.A hnen ihsin ka theih dah lo mi thukamnak tongkam ka thei zo”tiah kum 57 monu cun a sim.

Kum 30 mi Rosa le Brando cun Eta hrinhnam si in anmai dan in an neihawknak kum 12 a kimzo nan dan vekih neihawknak ih an telve mi a si.Philipines ah neihawknak tuah cun $600 a malbik cem a tul.Hizat sumpai hi mi tlangpi ih neih thei a si lo ruangah tuvek ih neihawknak an tuahnak a si.