NUNAU SUNGHRUK TAMPI RUTU AN KAI

0
116

Japan Police pawl cun pa pakhat ih inn cu thupte zumnak in an lut ih cek na hai khaw nunau pawl hmanzo mi Bra le bawngbite 200 lenglo cu an hmu ih cupa cun a ruk mi a si thu police hmai ahcun a phuang.Tomohiro Honma timi pa cun hnipuan Dawr pakhat ihsin nunau bawngbite 12 a ruk an hmuhnak ihsin a thupten a dung an thlun ih tuvek ih an kaih theinak a si.

Hi kum 31 ih upa Honma cun January thla ah Kanagawa khawpi Takatsu veng ih Dawr pakhat in cui nunau bawngbite 12 a ruk mi a si tiah thuthang cun an tarlang.Cutin Police cun a umnak inn cu an cek ih a dang bawngbite le Bra 200 lenglo an hmusal ih Honma cun hizat nunau sunghruk pawl cu hmun dangdang 50 lai ihsin a rukkhawm mi a si thu cu a phuang aw a si.

“Nunau sunghruk pawl hi ka duhtuk.Hivek thilri pawl hi ka hiarnak rehternak ah ka hmang a si”tiah Police hmai ah a sim.Kan dung thlakhat lai khalah rukru pakhat cun Victroria’s secret Dawr ihsin Nunau sunghruk a ruk mi an hmuhnak ihsin a umnak inn cu an cek ih Pound (18,000) man rori nunau sunghruk 1000 lenglo an rak long zo.