NUFA 3 IN PITAR PAKHAT VEL CIAMCO

0
182

Khuahlan lai ahcun hmuntin khawtin ah hrihram tha le a cakcak in Lalnak an rak co ih duhlawng in an rak nungcang.Tulai ahcun hmuntin ah Zuri pai cupco ih khawlak vah hman ning a zak.Hiti san a thleng danglam laiah 11February sunday sun ih Pitar pakhat an zinpi par ih an velh ciamco cun a hmutu pawl caldom in a umter.

Himi hi Mon Ramkulh Mudone veng linak Lal U Myint Soe nupi le fanu 2 cun Pitar pakhat cu Lamzin parah an hnom ciamco mi a si.Sunday zan February ni 11 zanlam nazi 4 hrawngah pitar nu cu a rualpi pakhat thawn thunuam an rel rero laiah hitei nufa 3 cu ra in an velh ciamco mi a si.”Daw Hla Hla Win le a fanu Ma tuai Tuai Tun le Ma Phu Phu cu ra in ka Pi cu inn leng zinpi ihsin tongkam sia thawn an auh ciamco.Ka Pi in a hei auh ve ih inn cu lungto in an deng ciamco.Ka Pi cu lengah a suak ih ziangruangah hivek in in ra ti tiah a sut ciah cu velh an thok ciamco mai”tiah a tunu te cun a sim.

Hi thuhla ah Mudone Police hnenah heknak an tuahnan Police cun hriamhma a um lo ruangah kanmah thawn pehpar lo tiah an rak ti ih tuah cun Lairelnak lam ah heknak an thunlut.Zung lam ih sumpai neih suah thei lo ding hmuhsuam le vel ciamco tu Daw Hla Hla Win le a fanu cu hremnak pe dingin tlunlam upa in theive haiseh tiah Kyaitmadaw/Mudone thuthang cun mipi an theihter a si.
Myanmaalin