NU PHAHLAI IN CEKTHAT IH RUAK MEI IN UR

0
118

Shan ramkulh Maisat Peng Nabawkhai khua ih um U Cia I ih Lo thlam ah 2018 February ni 12 zanlam nazi 4 hrawngah U Cia I ih nupi Daw Na Thaw kum(56)cu a fapa Ya Phu kum 22 cun phahlai thawn a thawithat ih a ruak khal hmuh nawn lo dingih a siatralter theh thu Ramsung lam zung cun thannak an nei.

Thil umdan cu Maisat peng Nabawkhai khua mi U Cia I ih Lo thlam ah U Cia I ih nupi Daw Na Thaw kum(56) le a fapa Ya Phu kum(22) cu rawlsuan fialawk thuhla ah an to aw ih a fapa Ya Phu cun phahlai thawn a nu cu a thawithat.A fapa Ya Phu cun a Nui ruak cu hloral dingin meisa thawn a ur ti si.Ya Phu nu Daw Na Thaw cu a dunglam tukpuk a kekkuai ih a vorhlam zak hnuai,A kiu le a ke pawl ah cehnak hriamhma hmuh a si.

Ya Phu cun amah hringtu a nu cu a thah men hman tawk loin meisa thawn a taksa cu a urbet.February ni 13 ah Ya Phu cu Mai Khuk Police pawl cun an kai ih tuah thuhla suhhliah rero lai a si thu theih a si.