Neymar Aiin Dembele A Thasawn Zo – Barcelona President Bartomeu




Barcelona president Bartomeu cun anmah phatsantu Neymar aiin Dembele a thasawn zo tiin a rel.

Neymar hi Brazil club SAntos ihsin Barcelona pantu a si ih Barcelona ah kum 4 sung a lek man.Laliga ,Champions league ,Copa Del rey ,Super cup le FIFA club World cup pawl cu Barcelona thawn a rak cawi thluh zo.2017 kumah Bawhlung leitlun ih player mankhung bik si dingin Barcelona a rak suahsan ih PSG ah €222m thawn a rak lut.

Neymar in a suahsan veten Barcelona khal player tha lei ding hawl in an buai hngal ih Dortmund ihsin Dembele cu Neymar aiawhtu dingah an rak lei.Barcelona a thlen pekah damlonak thawn Dembele a rak buaizet lawk nan,tui season cu a lek thei caan ah Barcelona hrang a lek thazet thlang.

Barcelona president Bartomeu cun ,”Ka lo simfiang ding ,Neymar man ih kan ngahmi sumpai thawn Dembele le Coutinho kan lei ih anmah thawn tumtahmi thazet kan nei.Tui dinhmun ahcun Dembele hi Neymar aiin a thasawn zo ih Barcelona ah thazet in a rem aw fel zo.

“Coutinho khal player thazet a si ih a lek tha deuhdeuh ve.Barcelona hrangih lek that hngal ding cu a awl lo nan, tucun a lek thatuk thlang.Coach in a rinsan zet bangin kanmah khal in a parah beiseinak tampi kan nei ve.Player danglam zet a si ih Barcelona thawn ke kan kar tlang vivo ding a si,” a ti.

Barcelona cun Champions league quarter final puai 2nak hrang tuizan ah Man United an mikhual ding a si.