Neymar A Rakir Sal Zo




Ke naa ruangih cawl ringring PSG hmaitlan Neymar khal that lam pan vivo in training a tuah aw thei zo thu PSG in an tarlang.

Neymar hi January ni 23 ih siatsuah aw a si ih rel zo bangin thla 2 le hrek kim zikte a cawl thlang.A siatsuah awk tir ah thla 2 hrek hrawng a colh tul ding thu PSG in an rak than ih tuah training a tuah rero thei zo cu a si.

Neymar in PSG Bualrawnpi ah training a tuah rero thei zo nan,ziangtikah Bawhlung a sit thei ding timi cu PSG in felfaiten an phuang thei hrih lo thung. Kar 2 hnu ah x-ray an tuahmi a fel dingih Neymar lek ding caan khal a fiang ding ti a si.

Neymar dam lo sungah PSG cu Champions league ihsin an rak tlafel zo ih Europe ah beisei ding zianghman an nei nawn lo.Asinan, France ligue 1 ah hmaihruaitu an si ih league cup khalah final an lut zo a si.