NAUHAK RUTU KAI

0
152

Nauhak tampi rak ruhlo theutu pakhat cu kaih ngah a si ih thu neitu pawl ih an suh mi a lehnak theih cun taksa lamlam a za thei ti si.Hi nauhak rutu pa cun Barbi lemte te cu si a hnih hnuah cumi hmang cun nauhak pawl a ru theu ti si.

Hi Shan Ramkulh saklam kutkhai khawpi ih an kaih mi nauhak rutu mi 5 lakih an hotu Shanlay@Aih puh cun hitin a phuang aw.”China ram ih taksa sungril a thupte ih thleng saktu Sibawi pawl cun Clorocini dat tel mi an hnihcia nauhak duhzawng zuk lemte te cu Ramri ih nauhak rutu pawl hnenah a thupte in an kuat ih cumi hmangin Kawlram nauhak ru ding ih cangvaitu an si”tiah a sim.

Hi an neih mi zukte te cu lamzin pi,Tlawng le Dawr tivek ah an ret ih tlawng ihsin tlung nauhak ih an tham ngah cun an ruahnak a hlo ih cumi cu an kaih theu thu khal a simbet.China ih black Market ahcun kaileng 2 hi Yuan 5000-20000 tiang a man ih thin hi Yuan 15000-50000 tiangih lei ding in cahtu an neih thu a sim.Hivek a si ruangah Nu le Pa in kan fale cu lamzin ih milem le ei tha simaw,thil ziangkhal la pang lo dingih kan cah a tul a si.