Nau A Pai Maw Timi Relfiangtu Georgina Rodriguez




Juvnetus hmaitlan C.Ronaldo ih ngaihzawngnu Georgina Rodriguez cu a pumcek tuk ruangah nau a pai tiin Spain thuthang lam in an than ciamco ih tuah amah in hitin a relfiang ve.

Spain thuthang pawl khal in nau a pai rori ko tiin an rel cuang lo nan, a pum umdan zohdan in naupai rori vek a si, Nau a pai thu teh rellang duh loin a thup men sipei maw tiin an tarlang.

Himi thu ah amah Georgina Rodriguez a tongsuak ve ih naupai siloin a ei tamtuk ruangih pumcek a si thu a rel.Cutirual in naupai a bang zet ruangah amah ringhleltu pawl khal a mawhthluk cuang lo.

Georgina Rodriguez cun,”Vanzam thawn khual kan thlawng rero ih pasta lawnglawng nili sung ka ei.Cutikah minung ka si ve bangin ka pum a rak cek phah.Naupai lam cu a si hrih lo ih ka nau neihnak hman a dam felfai hrih lo ih damtha felfai dingin ka tuamhlaw rero sawn a si,” a ti.

C.Ronaldo le Georgina Rodriguez cun nikum ah fanu te an rak nei a si.