NA ZANGFAH VE MAW?

0
140

Jeric Aquino Trestre timi pa pakhat ih zuk cu tulai Social media ah a lar ciamco ih a hmutu pohpoh cun an lainat in an zangfak nasa.Aquino cun a fanute Operation tuahnak ding hrang a khawl mi pianawi tete cu a siar rero lai hmuh a si.A fanute tuamhlawmnak ding hrang sumpai an nei lo ruangah a tuansuak mi sungin a hlei mi pianawi cu a khawlnak a si.

A fanute Esang cu Sizung ihkhun parah hmuh a si.Esang pa Aquino cun a khawlkhawm mi pianawi cu thinsau ten siarin a fanute khuainak ding hrang a daih pei maw tiah a khawruah harzet.A fanu Esang hi Biliary Atresia timi nat nei in hi nat hi thin le hnik nat phunkhat a si ih hmuh ding a malzet.A fanute cu khuai lohli a tul ih a nu le pa in sumpai an neih lo ruangah tutiang ret a sinak a si.

Hiti a fanute khuainak hrang sumpai a siar rero cu Jenny Sumalpong timi FB Account neitu cun a tarsak veten bawmtu ding an neicih.Hmuntin ih amah zangfahtu pawl cun sumpai an tithei tawkcio an pekhawm.Tuah a fanute khuainak ding hrang sumpai a daih rori in an nei maw ticu thuhla theihbetnak a um hrih lo nan sumpai a daih an neih veten India ah feh in an khuai ding tilawng theih a si.Neta lam ih update mi zuk ahcun a fanute malte a ziaum deuh cu hmuh a si.Anmah hi Philipines ram mi an si.