N.KOREA AN LUNGAWI

0
135

Tui an tuah rero mi Pyeongchang Winter Olympics puai ruangah Sak le Thlang Korea ramhnih pehtlaihnak cu tampi in a ziaum vivo ih a that sinsin theinak dingah zuamcio dingin Pu Kim cun zangfah a dil.Neuclear le Missiles test leuhleuh ruangih Leitlun tibuaitu N.Korea hotu Kim Jong Un cun an ram lek thei dingih an cohlan ruangah s.Korea parah lungawi thu a sim.

Kim Jong Un cun a nau Kim Yo Jong ih hoha mi palai pawl N.Korea an thlen veten tuvek ih tongkam a thlahnak a si.Hi Palai pawl in an khual tlawnnak thuhla report an pek mi a ngah veten hi thuhla hi a phuan mi a si tiah N.korea Cozah thuthang KCNA cun thusuah an tuah.American khal in sak le thlang Korea ramhnih tonawk theinak lamzin in onsak mi a si tiah President Moon Jae-in cun a simve.

American VP Mike Pence cun Olympics puai ihsin Washington ih a tlun zikte ah”N.Korea lam in tonawk an duh ahcun kanni khal in kan duhve”tiah a simta.Tampi cun tuitum Olympics cu N.Korea hrang policy thehdarhnak men a si tiah an simlai ah hrekkhat leh cun hmailam hrang thil tha tampi a suahpi in an hmu.Mi tampi lala cun American in hremnak an pek mi Kim Yo Jong Olympics ih a telve cu Human Right siatsuahnak pakhat in an hmuve thung.
BBC