Mit Pakhat Lawng Sen Ken Hasegawa




One championship A New Era sualawknak ih Aung La neh lotu Japan mi Ken Hasegawa khal a damlonak ihsin dam fel zo in sizung a suahsan zo nan, a mit pakhat lam lawng a sen cu mak tizet in amah in a thlah.

Ken Hasegawa hi Aung La ih sitnak ruangah hnakruh kiak a si ih an puai theh veten sizung ah luhpi hngal a si.Sizung ah tha zetih tuamhlawm rero a si bangin a damcak zo ih kan dung zarh ni 4 sun ah Sizung a rak suahsan.Asinan,mani ah a mit pakhat lawng a sen cu mak ti zetin amah Ken Hasegawa in a tarlang.

Ken cun A mit sennak san cu a relfiang lo nan, a mit sen thu cu zuk pakhat thawn hitin a tarlang.

” Ka mit pakhat lawng a sen cu sahring ei ( Tokyo ghoul timi ih cangtu pa ) mi pakhat ka bang lamlam sisi,” tiin a tarlang.

Sizung ihsin a suah thu ah ,”Nan mi ngaihsaknak parah tampi lungawinak ka nei ih Sizung ihsin ka suak fel zo.In ra vehtu le thazang in petu nan zate parah ka lungawi ngaingai a si,” a ti.

Sizung a suahsan lai zuk

Ken hi sizung ihsin a suak fel zo nan,ziangtikah mi a sual sal ding timi cu theih a si hrih lo thung a si.