MISUAL KAIHNAK MITKHARH SUAKTHAR

0
142

China cun an police pawl misual an kaih theinak dingah tin misual kaih theinak Mitkharh thar pakhat an tuahsuak.Hi mitkharh cun misual si dingih an zum mi pawl ih mithmai an zoh dingih misual an si le si lo cu a theimai ding a si.Hi mitkhar cun an zoh mi nu/pa ih hmin,biaknak,miphun le an dunglam thuhla pawl le an umnak khua pawl tiang a simfiang ding a si.

Tuah khal hi mitkharh hmangin China police pawl cun thupte milai zuartu mi 7 an kaingah zo tiah theih a si.Cun tui an hman mi misual kaihnak mitkharh hmangin ID lem tuahtu mi 26 khal an kaizo ti a si.Hi Mitkharh ih an hman mi technic cu LLVision tiah an ko ih a bang aw lo mi mithmai ting khat tiang a thei thei ti a si.culawng si loin milai pakhat ih sunglam mitha le misual a sinak cu minute pakhat sungte ah a zaten a thei theh ding ti a si.

China ih CCTV kiltu pawl ih an simdan vek a sile 2020 ah AI thiamnak hmangin CCTV Camera million 600 in an mipi an kil thlang dingih milai sukso veivak khal cekfel theh an si ding ti si.China Cozah in tuvek ih a thil tidan hi rammi humhimnak a si ko nan Politics ih thlir cun thu neitu pawl ih uknak daihrei dingih hman mi thilri vek ih hmutu khal an tampi ve.