MISS ZUAMNAK IH FINAL THLENGTU TLANGVAL

0
179

Kazatstan ram ih an tuah mi fala hmeltha zuamawknak cun a netnak dinhmun a thleng.Netabik fala mawibik an hril thlang ding dinhmun ah mi pakhat cu fala si loin tlangval a rak si ti an theih cun mipi cu mangbang in an ka an ang theh.Kum 22 mi Ilay Dyagilev puai tuahtu pawl cu bum in Alina Alieva timi nunau hminlem hmangin mi 4000 lenglo cu a rak neh.

“Ka rual thawn ceimawinak lam thuhla ah buainak kan neih ruangah hi fala mawi zuamawknak ih tel dingin thu tluknak ka tuah.Fala hmuahhmuah in ceiawk dan bang aw le Style bang aw an si cio ih san tiluan an thlun thei cun mawizet ah an ruat aw.Kei cun ka pompi lo”tiah Ilay cun a sim.Final dinhmun thlengtu tlangval Ilay cun puai tuatu hotu pawl an buai sinsin lonak dingah tin amah le mah a phuanawk mi a si.

Puai tunvo neitu pawl cu an mangbang nasa ih Ilay cu puai ihsin an dawi hnuah a aiah kum 18 ih upa Aikerim cu an hrilsal.Semi final ah Ilay cun vote (2012) a ngah ih Aikerim cun (1975) a ngah.Hi zuamawknak ah fala(4000) in an zuam aw ih cumi sungin mi 142 an hril hnuah mi 16 an hrilsal mi ah Ilay hi a telve.Nikum khalah Russia pa kum 20 mi cun fala vekin a tuah aw ih laksawng tiang a rak ngah nan mipa ti an theih hnuah a laksawng khal an rak lonsak sal ti a si.