MIPI TINGTEL THIH THEINAK MEITLANG PUAK MEN THEI




Japan ram ih Meitlang pakhat cu ziangtik lai khal ih puak thei mai dinhmun ah a um ih hi meitlang a puak ahcun mi tingtel rori ih thih theinak a si tiah mithiam pawl cun ralrinnak an pek.”Hi Kikai Meitlang pi hi ziangtik lai khal ah a puak thei ih Mi tingtel rori ih thih theinak tihnung tak a si.Himi meitlang puak ruangah Meitlang thlatang khal suaksal thei a si’tiah mithiam pakhat cun a sim.

Science lam mithiam zingzoitu mithiam pawl cun meitlang sung ah 32 cubit Kilometer a si mi meivam sa ti cu an hmu ih tlang a hrapdeuh ruangah cuhnak ih a tam hman zum a sibet.Tuah cun 10 Kilometer kau le 600 Kilometer sang a si zo ti a si.Tui Meivam ti sa cu tuhlan kum 7300 ih meutlang tumpi puak mi ihsin a suaksal mi a si ding tiah an zum mi a si ih a puak ngainga ahcun Japan thlanglam ih um pawl cu cimih tak vekinb an hloral theh ding tiah an zumnak an sim.

Hi meitlang a puak ahcun ni tleunak a phittheh dingih Meitlang thlatang a suaksal dingih Japan,Taiwan,China le American tipi kap tluan ah tihnungza Sunami tiang a thleng ding tiah an sim.Japan mithiam pawl cun Linghnin le cui meitlang dinhmun cu an zohhliah rero ih daithlang loin zoh vivo an tum thu an phuang.

LP