MIPI 3500 HMANGIN KAWLRAM ZUK TUAH

0
124

Vei 71nak Kawlram Republic Day ah tlawngta pawl le khawsung mi pawl thawn mi 3500 hrawng cun Kawlram zuk suai in World Record tuah thei tumnak cu Magwe khawpi ih Bualrawn pi ah February 12 ah Telenor Myanmar hohanak in an tuah.Bualrawn sungah a saulam pi 234,a vang pi 106 sungah mipi 3500 cun Kawlram zuk cu an suai ih Rampi hla an sak hnuah minute ruk sung cangkhai loten an um ti si.

Telenor Myanmar Ltd ih External Communication Manager Shwe Yinma Oo cun,”Magwe khua ih kan tuahnak san tampi a um mi sung ihsin Rampi zalennak latu Aungsan ih suahnak Natmauh umnak ramthen khawpi a si ruangah tuvek ih kan tuahnak a si”tiah a sim.Hi Guiness World Record lut ding zuamnak rampi zuk suainak ah Magwe ramthen CM Aung Moe Nyo,Vuanci U Myint Zaw le Dr Khin Maung Aye le Telenor Myanmar Ltd ih tuanvo neitu pawl cun Rebon cep in onnak puai cu an tuah.

Netabik World Record tuahtu cu 2016 kum ih mi 811 ih Africa zuk an suai mi a si ih cumi neh ding rori in Magwe khua ah mipum 3500 rori in tuvek ih kan tuahnak a si tiah tuanvo neitu pakhat cun a sim.Hi Rampi zuk suainak ah Magwe ramthen Cozah lam ih Upa pawl an telkim zet ih tui zuksuaitu pawl cu Phunsang tlawngta pawl,Khawpi sung mi pawl le Lailam ihsin teltu pawl an si tiah tuanvo neitu lam cun simnak an nei.

THL