Champions League Semi Final Hrang Sangka Khar A Si Hrih Lo – Pogba




Man United laitlan Pogba cun premier league round 33nak ih West Ham an neh hnu ah Champions league zuamawknak hrang beisei an neih lai thu a relsuak ih ziangkim a fel hrih lo a ti.

Man United le West Ham puai ah Pogba in Man United hrang penalty thawn goal 2 a thun ih 2-1 in Man United nehnak an co thei.Puai theh ah Pogba cun West Ham thawn an puai ih nehnak an co cu thil thupi zet a si thu a rel ih Champions league quarter final neta sawn puai hrang tampi thazang in pe a ti.

Pogba cun ,”West Ham kan neh ih hmat 3 kan hmu thei cu thil thupi tuk rori a si.Nehnak co tum zetih kan lek ih phu zetin nehnak kan co tiin ka ruat.Tuahcun champions league quarter final neta puai hrang thazetih timtuahnak kan neih a tul ding.Mallai kan cawl lawk dingih Barcelona thawn kan puai hrang kan thinlung kan pe thlang ding.

“Puai a cem hrih lamlam lo ih sangka khal khar a si hrih lo.Caan hrek hmaisa sawn vial kan lek lai ih caan hrek neta sawn minute 90 sung rori a umlai.Kan do dingmi cu Barcelona an si tikhal kan thei ih khualkhua ah kan lek ding tikhal kan thei.Khualkhua ih kan lek ding ruangah le Barcelona kan do ding ruangah sangka khar cia a si cuang lo ih minute 90 sung caan kan nei lai a si,” a ti.

Barcelona le Man Unted cu champions league quarter final puai neta sawn hrang April ni17,nithum zing Myanmar 1:30 am ah an do aw ding a si.