MEXICO RAM AH LING NAPI HNIN

0
180

Mexico ram ni tlaknak thlanglam Mexico khawpi ihsin peng 217 hlatnak cu hmunlai ah hmangin Ling nazet in a hnin.Hi Linghnin cu Mexico ram ih Guerrero, Oaxaca, Puebla ramkulh pawl le Mexico khawpi cun nazet in an tuar.Hi 7.2 ih cak ling cu february ni 16 ni ih hnin mi a si.US Geological Survey cun Linghnin cahnak cu tuandeuh ah 7.5 in an sim nan neta ahcun 7.2 tiah an tarlang sal.

Linghnin cu Oaxaca Pinotepa de Don Luis khawpi in peng 23 hlatnak leihnuai peng 15 ihsin hnin mi a si.Oaxaca khawpi ih inn tawkfang a siat nan mithi hlo thuhla theih a si lo.Linghnin ruangah Sunami um ding ralrin peknak khal a um lo.Linghnin ruangah Mexico khawpi ih inn pawl cu natak in a hnin ruangah mipi pawl cu lamzin ah an khat theh ti si.Mi tampi cu Linghnin tih thlaphang in an tap ih lamzin cu milai a khat in an khat ti a si.

Mexico thu neitu pawl cun Mexico khawpi le hmundang 5 ah mipi cu inn sungah um loin lenglam ih suak theh dingah an sim.Mexico ah nikum September ni 7 ah 8.2 ih cang ling a hnin ih mi 96 an rak thizo.Cun September ni 19 ah 7.1 a hnin lala ruangah mi 369 an thi lala.Hi September ni 19 ih hnin cu 1985 ih milai 10,000 thihnak Linghnin kum 32 nak cam ni ciah a si ngelcel.Kawlramm khalah mani ah hmawbi kiangah Ling natuk lo a hninve tiah theih a si.

DUWUN