Messi Thawn Kan Pehtlaihawknak Cu Kumkhua Daih A Si – Barca President




Barcelona president Bartomeu cun club le Messi ih pehtlaihawknak a thatzet thu a rel ih kumkhua in kekar tlang an tum thu mipi a simthei.Messi hi 2021 tiang daih Barcelona ih contract nei lai a sinan,Barcelona cun contract thar nganpi dingin an be thok rero zo.

Tuah Messi hi leitlun bawhlung sit thiam lakih hlawh tambik a si ih karkhat ah £673,000 rori a hlawh. Himi a hlawh hi 2021 tiang daih a si ih contract thar a ngan bet asile a hlawh a tam sinsin zum a si.

Bartomeu cun ,”Leo Messi le Barcelona hi kekar tlang vivo ding kan si. Barcelona ta a si ih kumkhua in kan hnenah a um ding. Messi khal in kan hnenih a um vivo duh thu in sim zo ih kannih khal in kum 5 daih contract nganpi kan duh thu kan simthei zo. Messi ih contract thar ding cu rel peh rero lai a si.

“Club mipi in an duh zet tlunah kan domi team mipi khal ih sunloih mi player ropi a si.Kum tinten a thangso sinsin ih kum tampi a lek thei vivo lai ding.Kan pehtlaihawknak cu kumkhua daih a si ih kan hnenih a um ringring dingah kan duh.A taksa a theifiang tuk ih ‘ka lek thei nawn lo tla a si ,a ti caan lawngah kan thlahliam dingih club ihsin a cawl ding.

“Kan hruaitu tha a si ih leitlun ih bawhlung sit thiambik khal a si.Kan hnenah a lek ih thil ropi in hmuhter ringring.Nikhat khat ahcun a colh ve leh dingih cumi caan hrang timtuahnak thup kan nei rero zo a si,” a ti.