Messi Lawng Siloin C.Ronaldo ,Mbappe Le Hazard Pawl Khal Kan Do Zo – Solskjaer




Man United coach Solskjaer cu Barcelona thawn an puai hrang hmaiton thusuhnak neih a si ih Barcelona thuhla phunphun an suhmi cu sannak a nei.

Man United le Barcelona hi Champions league quarter final hrang nili zing myanmar 1:30 am ah do aw ding an si.

Solskjaer cun ,”PSG thawn kan sulhnu ruangah rinsanawknak nasa zetin kan nei zo ih premier league khalah nasa zetin kan kaiso(hmat thlauawknak tam nawn lo).Kanmai Innpi ih PSG thawn kan puai ah danglamnak mallai a um nan,tucu tha zetin kan tuahtha aw zo.

“Player pawl khal kan tidik lomi hrang nasa zetin reltlangnak an nei zo ih mi kan tlukcilh ding tikah kan fimkhur thiam a tul.Player hrekkhat cu phakar thiamzet an si.

“Suarez ,Countinho le Messi pawl in kan dunkham pawl pahtlang an tum dingih ziangtin kan kham ding timi cu tipzing ah a fiang ding.Messi thuhla ahcun a sit goal mi pawl zoh tikah player thazet a sizia a fiangmai.Asinan,ziangtin Messi kham kan tum timi cu C.Ronaldo ,Mbappe le Hazard pawl khal kan rak do rero zo.

“Messi hi player thazet a si bangin thuanthu ih player thabik sithei khal a si.Curuangah kham a harsa zet ding nan,cangthei lo timi zianghman a um lo.Messi kan do ding a si lo ih Barcelona kan do ding tlunah Suarez ,Coutinho ,Rakitic le Vidal pawl khal player thazet an si,” a ti.